Leygarkvøldið 26.02.22 kl. 19.00 verður loksins seinkaða ræstkjøtaveitslan hildin í Føroyahúsinum, ið eftir røttum skuldi verið hildin annað jólakvøld.
Veitslan er skipað í samstarvi millum Føroyahúsið og Tvørábátin.
Kostnaðurin fyri døgverðan, dessert, eina øl og snaps er 400,-.
Jóhan í Kollafirði spælir undir og eftir borðhaldið.
Atgongumerki:
Tilsamans verða 150 atgongumerki sett til sølu. Først til mølle.
Til ber at keypa atgongumerki í Føroyahúsinum millum kl. 13.00 og 17.00 gerandisdagar.
Vit taka ikki móti reiðum peningi, men til ber at gjalda við korti ella MobilePay.
Til ber eisini at senda ein teldupost á info@fohus.dk, har tit fáa sent konto nr., har peningurin skal flytast fyri atgongumerkini.
Í teldupostinum vera tit vinarliga biðin um at viðmerkja navn/nøvn á tí ella teim, ið ynskja at keypa atgongumerki.
Vit gleða okkum at síggja tykkum.
Mynd: Guðrun Heðinsdóttir Mortensen við tøkk fyri lán
