Føroyska Listafelagið í Keypmannahavn bjóðar til fernisering vid listakvinnuni Maibritt Rasmusardóttir í Føroyahúsinum sunnudagin 2. novembur kl. 14-16.
Maibritt Rasmusardóttir er fødd og uppvaksin í Tórshavn. Hon fór til Danmarkar fyrst í 90’unum har hon millum annað gekk á Langelands kunsthøjskole og Thorstedlunds kunsthøjskole, tók ymisk skeiðir innan list
og seinni gekk hon eitt ár á Akademiet for tegning & design.
Maibritt hevur altíð tekna nógv og mála hevur hon gjørt í nógv ár – hon kann ikki lata vera. Íblásturin finnur hon í litunum, huglagnum, ljósinum, myrkrinum, tónleikinum og menniskjunum. Á løriftinum lýsir hon barnalyndið barnsins ovurfegni og mannasálina og hennara kenslur og tankar. Maibritt er forvitin og fer eftir fjølbroytni í tilfari og arbeidshátti, íð síðan loyvir henni at flyta seg millum tey stóru penslastrokini og tær fínu linjurnar og smálutirnar.
